حوار طريف بين فلاح ومدنية

حوار طريف بين فلاح ومدنية
باللهجة الفلسطينية

قالت: من وين إنته، بلكنتها المدنية
قلت: حواري، بلكنتي الفلاحية

قالت: فلاح،
قلت: أيوه يا نور عينيه

قالت: وآعد بتغازل فيه
قلت: القلب ما بيعرف حدودو الجغرافيه

قالت: شوفلك فلاحه تحكي بالآل وألنا
قلت: وحياتك إسمها بالكال وكلنا

قالت: ما بتناسبني يا شو إسمك
قلت: والله يا حلو سحرني رسمك

قالت: أنا بدي واحد من مستواي
قلت: وإيش أسوي أنا بقلبي وهواي

قالت: مش مشكلتي يا إبن الناس
قلت: لكن مشكلة قلبي الحساس

قالت: شكلو دمك خفيف
قلت: تسلم يا حلو ويا نظيف

قالت: بتحب تأعد في الكوفي شوب
قلت: بلشنا مصاريف خلينا نعمل ستوب

قالت: بالله شو بدك نضل نمشي بالشوارع
قلت: طب ليش ما أعزمك ع طبخة كوارع

قالت: قالت ألم عليك الناس يا جلده
قلت: على هونك، مع السلامة لنشوف غيرك،
والله يهني كل سعيد بسعيده

» حوار بين شخصين استخدما الأمثال الفلسطينية